Даниянинг Оденсе шаҳрида истиқомат қилувчи Шанта исмли 16 ёшли ўсмир Роналдунинг ашаддий мухлиси ҳисобланади. Ўз кумирига ўхшаш учун у нафақат ташқи кўринишини, балки, ўз фамилиясини ўзгартирган. Бу ҳақда Mirror нашрида ёзилган.
Шанта Роналду португалиялик юлдузнинг кийиниш услуби, соч турмаги ва ҳатти-ҳаракатларини такрорлайди. У ўзини ҳақиқий Роналдудек ҳис қилади.
"Роналду нафақат менинг кумирим, у мени илҳомлантиради. Оила аъзоларим, дўст-у биродарларим мени Криштиану Роналду деб чақиришади ва бу бенга ҳузур бағишлайди. Улар Роналдуга бўлган қизиқишларимни ҳурмат қилишади. Баъзилар мени ақлдан озган дейди, бироқ, бу менинг борлиғим", - дейди Шанта Роналду.

Шанта ўз кумирига ўхшаш учун жуда кўп маблағ сарфлайди. 17 ёшли мухлис Роналдудек кийиниш ва косметик ҳаражатлар учун минглаб евро ишлатади.
Таъкидлаш жоизки, ўз кумирини кўриш учун Шанта ўтган йили октябрь ойида “Реал Мадрид” академиясига ташриф буюриб, Роналду билан учрашиш бахтига муяссар бўлган.
"Роналдуни учратганимда ўзимни бахтли ҳис қилганман. У ҳам мени кўриб ҳайратга тушган. Роналду мендек мухлиси борлигидан хурсанд бўлганини айтганида, бундан мағрурландим. Тез орада яна уни кўриш учун Испанияга бораман, - дейди ўсмир.

Қайд этиш керакки, ОАВлар Роналдунинг қиёфадоши ҳақида бундан олдин ҳам ёзишганди. Ўтган йилнинг сентябрида британиялик ўсмир қизлар билан танишиш учун Роналду қиёфасига кирганди.