2 августда шифохонага ётқазилган россиялик режиссёр Элдар Рязанов шифохонадан чиқди. Режиссёр яқинларининг айтишича, шифохонада режиссёрнинг қон томирлари тозаланган. Бу ҳақда РИА “Новости” ахборот агентлиги хабар бермоқда.

Рязанов 2 августда шифохонага ётқазилгандан кейин ОАВларда унда инфаркт ёки юрагида операция бўлгани ҳақида хабарлар берила бошланди. Бироқ машҳур режиссёрнинг яқинлари бу ахборотни инкор этдилар ва Рязанов тез тиббий ёрдам машинасида шифохонага олиб кетилгани матбуотда саросима кўтарилишига сабаб бўлганини тахмин қилишди.

Элдар Рязанов – Собиқ иттифоқ халқ артисти. У “Карнавал кечаси”, “Гусар балладаси”, “Автомобилдан эҳтиёт бўлинг!”, “Шафқатсиз романс”, “Ишқдаги ишқ”, “Тақдир ҳазили ёки қушдек енгил бўлинг”, “Гараж” каби кўплаб машҳур фильмларни суратга олган.