Франциянинг машҳур актёрлари Жан-Поль Бельмондо ва Ален Делон яна экранда учрашади.

Франциянинг TF-1 канали кузги дастур учун “Бельмондо Бельмондо ҳақида” ҳужжатли фильмини тайёрламоқда.

Фильмда воқеалар биринчи шахсдан ҳикоя қилинади. Бош қаҳрамон лойиҳанинг муаллифи бўлмиш ўғли Полга батафсил интервью беришга рози бўлди.
Ален Делон эса картинада таклиф қилинган юлдуз тариқасида иштирок этади.

Икки юлдуз ярим аср мобайнида кино оламидаги етакчилик учун курашиб келган эди. Express журналига берган интервьюсида Ален Делон “Бельмондосиз Делон бўлмас эди, Делонсиз Бельмондо бўлмас эди” деган эди. Ҳар иккала актёр иштирок этган “Борсалино” (1970) картинаси Франция киноматографидаги энг кассабоп фильмлардан бири ҳисобланади.

Ҳужжатли фильм Франция, Жазоир ва Бразилияда суратга олинди.