Украина президенти Пётр Порошенко маҳаллий сайловлар тўғрисидаги қонунни имзолади. Бу ҳақда президент маъмурияти раҳбарининг ўринбосари Виталий Ковальчукнинг сўзларига таянган ҳолда Интерфакс агентлиги хабар бермоқда.

Илгарироқ Олий Рада маҳаллий сайловлар ҳақидаги қонунни қабул қилиб, президентга юборганлиги ҳақида маълум қилинган эди. Қонунда, хусусан, Қрим ва Донбассда “вақтинчалик оккупация ва ҳарбий агрессия” туфайли маҳаллий сайловлар ўтказилмаслиги кўрсатилган.

Шу билан бирга, тан олинмаган Донецк халқ республикаси раҳбарияти 2014 йил сентябридаги Минск келишувларига биноан Донбасснинг унинг таркибига кирмаган туманларида ҳам сайловлар ўтказилишига қарши чиқмоқда.