АҚШ ва Япония ядро қуролидан ҳоли дунё яратиш борасида ҳамкорлик қилишини тасдиқлади.

Япония ТИВнинг маълум қилишича, бу ҳақда ташқи ишлар вазири Фумио Кисиданинг АҚШ давлат котибининг қуролланишни назорат қилиш ва халқаро хавфсизлик бўйича ўринбосари Роуз Готтемюллер билан телефон мулоқоти чоғида айтилган.

“Икки томон Хиросиманинг ер юзидан супуриб ташланганлигига 70 йил тўлган санада ядро қуролидан ҳоли дунё яратиш борасида ҳамкорлик қилишга тайёр эканликларини тасдиқлашди”, – дейилади хабарномада.

6 август куни Готтемюллер Хиросима қурбонлари хотирасига бағишланган маросимда иштирок этди.