IBM график тиббий маълумотларни қайта ишлаш, архивлаш, узатиш ва сақлаш билан шуғулланадиган Merge Healthcare компаниясини сотиб олади. Интерфакс агентлигининг ёзишича, шартнома қиймати 1 млрд долларни ташкил қилади.

Merge платформасидан АҚШнинг 7.5 минг тиббий муассасаси, шунингдек, жаҳоннинг энг йирик тиббиёт институтлари ва фармацевтика компаниялари фойдаланади.
Платформа IBM’нинг Watson Health Cloud тизимига уйғунлаштирилади, бунинг натижасида унда улкан миқдорда тиббий маълумотлар сақлаш имконияти туғилади.