Испаниянинг XVII асрда ғарқ бўлган Nuestra Senora de Atocha галеонидан топилган қимматбаҳо буюмлар Нью-Йоркдаги ким ошди савдосида сотиб юборилди. Улардан келган умумий тушум 2 млн долларни ташкил қилди.
Савдолар Guernsey’s ким ошди савдо уйида ўтказилди.
Испания қироллик флоти таркибига кирувчи кема 1622 йил 6 сентябрида денгиз тубига кетган. У Испанияга 40 тонна олтин ва кумуш буюмлар олиб кетаётган эди. кема қолдиқлари 1985 йил 20 июлида Мел Фишернинг қидирув жамоаси томонидан аниқланди. Сув остидан кўтарилган буюмларнинг умумий қиймати 450 млн долларга баҳоланди.
Кема топилишининг 30 йиллиги муносабати билан савдога 40та буюм чиқарилди. Улар орасида энг қимматлилари олтин пластина (94 минг доллар), зумрадланган олтин хоч (119 минг доллар), олтин қадаҳ (413 минг доллар) ва олтин қошиқ (62.5 минг доллар) бўлди.