Ўзбекистон Ички ишлар вазирлиги эксперт-криминалистик хизмати муассасалари мамлакатда юз бераётган жиноий воқеалар ва ҳодисаларнинг тергов қилинишида бевосита иштирок этадилар. Эксперт-криминалистлар олдида тезкор-қидирув тадбирлари ва тергов ҳаракатларини техник-криминалистик таъминлаш бўйича турган вазифалар ўз вақтида ва профессионал даражада ҳал қилинмоқда.

“Ўзбекистон мустақиллиги эксперт-криминалистик хизмати учун ҳам ички захиралар ҳисобига, ҳам хорижий ҳамкасбларнинг тажрибасидан фойдаланиб, ўз фаолиятини такомиллаштиришга янги имкониятлар очди. Тузилмавий қайта ташкил этишлар натижасида эксперт хизматининг ходимлар сони 30 фоиздан кўпроққа ошди. Шу билан бирга ходимлар штати тезкор-қидирув амалиётининг ҳақиқий юкламаси ва эҳтиёжларига мувофиқ тарзда тартиблаштирилди. Бу ҳолат жиноятларни фош қилишда ва профилактик тадбирларни ўтказишда эксперт-криминалистик хизмат имкониятларидан фаол фойдаланиш имконини берди”, деб айтди Ўзбекистон ИИВ эксперт-криминалистик хизмати раҳбари, полковник Г.Никишин.