Россия қишлоқ хўжалиги назорати қўмитаси (Россельхознадзор) Беларусь ва Қозоғистон билан чегараларда постлар миқдорини кўпайтиради. Бу ҳақда “Известия” газетаси ёзмоқда.
Айтилишича, йил бошидан буён бу икки давлатдан Россияга 3.5 тонна санкцион маҳсулот олиб кирилишининг олди олинган. Бу Россияга кириб келаётган ман қилинган маҳсулотларнинг бешдан бир қисмига тенгдир.
Тақиқланган маҳсулотлар ушлаб қолиниши кўрсаткичларини 50 фоизга етказиш мақсадида идора Беларусь ва Қозоғистон билан чегараларда текширув постлари миқдорини кўпайтирмоқчи. Таъкидланишича, ЕИИга кирувчи ушбу икки давлатдан ман қилинган маҳсулотларнинг асосий қисми кириб келмоқда.
Беларусь билан чегарада идоранинг 6та, Қозоғистон чегарасида эса 35та пункти жойлашган. Мамлакатлар ўртасида божхона назоратининг йўқлиги ҳам ишни мураккаблаштирмоқда.