Россия бош вазирининг биринчи ўринбосари Игорь Шувалов ўтказган йиғилиш якунларига кўра онлайн покерни қимор ўйинлари сафидан чиқариш ҳақида қарор қабул қилинди. Эндиликда, Интерфакс агентлигининг ёзишича, идоралардан қимор ўйинларини назорат қилиш тўғрисидаги қонунга ўзгартишлар киритиш масаласини ўрганиб чиқиш талаб қилинади.

Шу билан бирга, ушбу қарор якуний эмаслиги ҳамда юридик томондан жиддий ўрганиб чиқилиши айтилмоқда. Аммо, онлайн покерга рухсат берилса, барча компаниялар шахсий маълумотларини Россия ҳудудида жойлаштиришига тўғри келади.
Шунингдек, йиғилиш давомида лотерея чипталарини ягона солиқ серверига уланган махсус автоматлар орқали сотиш масаласи кўриб чиқилди.