Таниқли Ҳолливуд режиссёри Стивен Спилбергнинг Ready Player One (Биринчи ўйинчи, тайёрланинг) фильми 2017 йил декабрида катта экранлар юзини кўради. Бу ҳақда Variety нашри ёзмоқда.
Бу фильм Эрнест Клайннинг шу номдаги романининг экранлаштирилган вариантидир. Воқеалар виртуал реалликда содир бўлади; қаҳрамонлар 70-80 йиллар ўйин автоматларидаги машҳур ўйинлар билан боғлиқ бир қанча вазифаларни бажариши лозим бўлади.
Фильм The Warner Bros, Village Roadshow ва DreamWorks студиялари томонидан суратга олинмоқда. Спилберг айни пайтда картинанинг продюсерларидан биридир. Сценарий муаллифи – Зак Пенн (“Қасоскорлар”, “Ғайритабиий Халк”, “Икс одамлар: Сўнгги жанг”).
Жорий йилнинг октябрида Спилбергнинг “Айғоқчи кўприги” фильми тақдим этилади. Унда U2 айғоқчи самолёти учувчиси Фрэнсис Рауэрснинг Рудольф Абелга алмаштирилиши ҳақида ҳикоя қилинади. Картинада бош ролларни Том Хэнкс ва Алан Алдалар гавдалантиришди.