Tesla Model X кроссовери шу йилнинг сентябрида тақдим этилади, харидорлар эса уни учинчи чорак ниҳоясида сотиб олиши мумкин бўлади. Бу ҳақда Tesla Motors компаниясининг иккинчи чорак якунларига бағишланган молиявий ҳисоботида айтилди.

Компания ўз электрокарини 2013 йили ишлаб чиқармоқчи эди, аммо кейинчалик релизни 2014 йилга, сўнг 2015 баҳорига кўчирди. Ниҳоят, охирги марта лойиҳа 2015 йил учинчи чорагига кўчирилди.

Машина бир чоракда 800 дона ишлаб чиқарилиши айтилмоқда. Бундан ташқари, Model S машинаси Model X билан битта конвейерда чиқарилмоқда. Компания раҳбари Илон Маск лойиҳани “дунёдаги энг мураккаб машина ишлаб чиқариш” деб баҳолади.