7 август куни эрталаб рўй берган йўл-транспорт ҳодисаси туфайли жароҳат олиб, шифохонага ётқизилган россиялик сайёҳларнинг 10 нафари шифохонадан чиқди. Ҳодиса жабрланувчиларининг қолган қисми шифокорлар назорати остида қолмоқда. Бу ҳақда Ростуризм матбуот котиби Ирина Шегольковага асосланган ҳолда "Интерфакс" нашри хабар берган.

"Шифохонадагилардан бирининг аҳволи жиддий. Шифокорлар унинг соғайиб кетишига умид қилишмоқда", дейилади хабарда.

Шеголькованинг айтишича, бу ЙТҲ натижасида 3 нафар россияликнинг ҳалок бўлгани расман тасдиқланган.

Россиянинг Анқарадаги элчихонасида маълум қилинишича, шифохонада яна 8 нафар россиялик қолмоқда.