Хитой раҳбарияти маҳаллий ижтимоий тармоқларга ҳаваскор видеолар жойлаштиришни тақиқлади. Эндиликда бундай видеоларни жойлаштирганлар жазога тортилиши мумкин. Бу ҳақда The South China Morning Post газетаси ёзмоқда.
Ташаббус порнография ва қонуний нашрларга қарши кураш бўйича Бутунхитой ишчи гуруҳи девонхонасига тегишли. Мурожаатномада таъкидланишича, охирги пайтларда хитойликлар ўз шахсий ҳаётларидан нозик мазмундаги ҳаваскор видеолавҳалар суратга олиб, уларни ижтимоий тармоқларга жойлаштиришни одат қилмоқда.
Жумладан, 5 август куни Чжэцзян вилоятидаги Лишуй шаҳридаги савдо марказидаги катта мониторда мана шундай видео қўйиб юборилди. Шу куннинг ўзида Weibo ижтимоий тармоғида Чэнду шаҳрида тасвирга олинган хоум-видео чиқиб кетди. Полиция ушбу видео муаллифини қўлга олди.
Илгарироқ Хитойда йирик интернет компаниялари, ижтимоий ва савдо майдончалари киберхавфсизлигини таъминлайдиган полиция бўлинмалари ташкил этилиши айтилган эди.