"Арсенал" жамоаси бош мураббийи Арсен Венгер янги мавсумда Англия чемпионлиги учун кураш боришини маълум қилди.

Жамоа ўтган мавсумда премьер лиганинг учинчи ўрни билан кифояланган.

"Мен ҳозирда АПЛнинг янги мавсуми бошланиши муносабати билан жўшиб турибман. Янги мавсумда чемпионлик учун курашга тайёрман.
Биринчи навбатда мавсумни яхши бошлаб олишимизх керак. Биз бунинг мавсумолди йиғинларида яхши тайёрландик ва ҳозирда ўз кучимизга ишонган ҳолатдамиз.
Ўтган мавсум 12 турдан сўнг пешқадам "Челси"дан 15 очко ортда қолиб кетган эдик. Аммо кейинги 26 ўйинда 58 очко жамғардик, "Челси" эса 55 очко йиға олди. Демак биз мавсум бошидаги омадсизлик туфайли чемпионликни бой берганмиз. Бу мавсумда эса бошидан чемпионлик учун курашишни мақсад қиламиз", - дейди Венгер goal.com нашрига берган интервьюсида.

Маълумот учун, АПЛнинг янги мавсумига бугун старт берилади. "Канонирлар" эса янги мавсумдаги илк учрашувини эртага ўз уйида, Лондоннинг бошқа бир жамоаси "Вест Хэм"га қарши ўтказади.