2015 йилнинг 10-12 сентябрь кунлари  Марғилон шаҳрида, шаҳар хокимлиги ташаббуси  билан ЮНЕСКОнинг Ўзбекистондаги ваколатхонаси, Ўзбекистон Республикаси ЮНЕСКО ишлари бўйича Миллий комиссияси ва Ҳалқ усталари, мусаввирлари ва хунармандлари Республика “Хунарманд” уюшмаси билан хамкорликда  "Атлас байрами" фестивали ўтказилади.

Фестивал доирасида ЮНЕСКОнинг Ўзбекистондаги ваколатхонаси ва Республика "Хунарманд" уюшмаси билан хамкорликда Республикамизда фаолият кўрсатаётган ипакли мато тўқувчилар, кашта тикувчилар, гилам тўқувчилар, миллий қўғирчоқ ясовчилар, миллий матоларимиздан либос яратувчи хунармандлар ўртасида энг яхши экалогик тоза махсулот ва анъанавийликни сақлаган махсулотларни аниқловчи  "Сифат белгиси"  кўрик танлови, Марғилон “Марказий истирохат боғи”да хунармандлар кўргазмаси, шаҳардаги касб-хунар коллежи ўқувчилари ва ёш хунармандларга малакали хунармандлар, Жанубий Кореядан 6 нафар мутахассис, ЮНЕСКОни Ўзбекистондаги ваколатхонаси томонидан таклиф этилаётган Бангладешлик дизайнер Биби Рассел томонидан "мастер класс"лар  ва миллий матолардан яратилган либослар намойиши ўтказилади.