Мордовияда Екатеринбург – Адлер йўналиши бўйича ҳаракатланаётган йўловчи поездининг 4та вагони издан чиқиб кетиши оқибатида 5 киши жароҳат олди. Йўловчилардан бир аёл шифохонага етказилди, 4 йўловчига эса воқеа жойининг ўзида ёрдам кўрсатилди

Фавқулотда ҳолат Рузаев туманидаги Куйбишев темир йўлида юз берди. “Россия темир йўллари” компаниясида поезд вагонларининг издан чиқиб кетишига бегона одамларнинг темир йўл транспорти ишига аралашуви сабаб бўлган деб ҳисоблашмоқда.

Тўнтарилиб кетган вагонлар йўловчилари яқин орадаги станцияга етказилди, бу ердан улар ўз сафарларини бошқа поездда давом эттиришлари мумкин бўлади.