Қирғизистон бош вазири ўринбосари Валерий Диль 5 августда Туркманистон бош вазири ўринбосари Мурод Ортиқов билан учрашди. Учрашув давомида икки давлат ўртасидаги савдони кенгайтириш режалари муҳокама қилинди, деб хабар бермоқда Қирғизистон ҳукумати матбуот хизмати.

Туркманистон вакили Ортиқовнинг айтишича, Туркманистон энергетика, транспорт, қурилиш ва қишлоқ хўжалиги соҳаларидаги биргаликдаги лойиҳаларни ривожлантиришдан манфаатдор.

Қирғизистон томони Туркманистондан табиий газ импорт қилишга қизиқиш билдиришини маълум қилди. Туркманистон президенти Қурбонўғли Бердимухамедовнинг биринчи ташрифи пайтида Қирғизистон билан ҳамкорлик қилиш ҳақида 15 та келишув имзоланган эди.

Аввалроқ “Қирғизгаз” ОАЖни сотиб олган Россиянинг “Газпром” корпорацияси Қирғизистон аҳолисининг табиий газга эҳтиёжини Қозоғистон ва Ўзбекистондан олинадиган газ эвазига таъминлаши маълум қилинган эди. Хусусан, 2015 йилда “Газпром” ва “Ўзбекнефтгаз” компанияси ўртасидаги келишувга кўра, Ўзбекистон Қирғизистоннинг жанубий туманларига йилига 100 млн куб метр газ етказиб бериши кўзда тутилган.