Украинанинг собиқ президенти Виктор Янукович Украина бош прокуратурасидаги сўроққа унинг номига юборилган таҳдидлар туфайли боришдан бош тортди. Бу ҳақда Януковичнинг адвокати Виталий Сердюк маълум қилди.

Адвокатнинг айтишича, Украина Жиноий-процессуал кодекси меъёрларига кўра, ҳаёт ва соғлиққа солинувчи хавф тергов ҳаракатларига келмасликка асос бўла олади.

Собиқ президент ўзининг ҳозирдаги жойлашган ўрнидан видеоконференц форматида кўрсатма беришга тайёр.

6 август куни Украина бош прокуратураси Януковични унинг устидан очилган жиноий иш давомида сўроққа келишини сўраган.