Мисрнинг собиқ президенти, “Мусулмон биродарлар” ташкилотининг раҳбарларидан бири, айни пайтда Қоҳира қамоқхонасида бўлган Муҳаммад Мурсий очлик эълон қилди. Бу ҳақда Мурсий ва ташкилотнинг бир неча нафар етакчиларини ҳимоя қилаётган адвокат Абд ал-Мақсуд маълум қилди.

Ал-Мақсуднинг айтишича, Мурсий 8 августда қамоқда бериладиган овқатни ейишдан бош тортган. Мурсийнинг фикрича, унга берилаётган овқат у учун хавфсиз эмас. Мурсийнинг таъкидлашича, агар у унинг камерасига олиб келинаётган овқатни ейдиган бўлса, унда катта жиноят содир бўлади. 

Мурсийнинг адвокати қанд касалидан азият чекувчи собиқ президент судга унда махсус тиббий текширув ўтказиш ёки тиббий стационарга ўтказиш илтимоси билан бир неча бор мурожаат қилган. Фақатгина 8 августда суд Мурсийда тиббий текширув ўтказиш зарурлигига розилик берди.