Москва ҳукумати эски 5 қаватли турар-жой биноларини бузиш дастурини 2017 йилга қадар якунлашни режалаштирмоқда, деб хабар бермоқда “Интерфакс” ахборот агентлиги. Бу ҳақда Москва мэрининг шаҳарсозлик сиёсати ва қурилиш масалалари бўйича ўринбосари Марат Хуснуллин қурилиш мажмуасининг ҳайъат йиғилишида маълум қилди.

Хуснуллиннинг айтишича, 5 қаватли биноларнинг асосий қисми 2015-2016 йиллар мобайнида бузилади. 2017 йилда энг мураккаб ҳудуддаги қолган 20 га яқин уй ерни бўшатиш мақсадида бузилади.

Аввалроқ Хуснуллин эски 5 қаватли турар-жой биноларини бузиш бўйича дастур 90 фоизга бажарилганини маълум қилган эди.