Норвегия полицияси AirBaltic компаниясига тегишли самолёт учувчиси ва экипажининг 3 нафар аъзосини ҳушёрликка синовдан ўтолмаганлари учун ушлаб қолди, деб хабар бермоқда Deutsche Welle нашри.

Полицияга бу ҳолат юзасидан аноним қўнғироқ тушган. Экипаж аъзоларидан алкотестерда олинган синов натижалари экипажнинг 5 аъзосидан 4 нафари қонида алкоголь миқдори мумкин бўлган 0,2 промилле кўрсаткичидан ошиб кетганини кўрсатган.

Самолёт сардори, иккинчи учувчи ва икки нафар стюардесса қон таҳлили ўтказиш учун тиббиёт муассасасига етказилди. Агар уларнинг айби исботланса, улар 2 йилгача озодликдан маҳрум этилишлари мумкин.