Рим Папаси Франциск Япониянинг Хиросима ва Нагасаки шаҳарларининг атом қуроли билан бомбардимон қилинишини оммавий қирғин қуролини тақиқлаш зарурлигини “инсониятга доимо эслатиб турувчи эслатма” эканлигини айтди, деб хабар бермоқда Associated Press ахборот агентлиги.

Папа Ватиканда якшанба кунидаги ибодат пайтида бу фожиа кўп йиллар давомида ҳали ҳам даҳшат ва нафрат қўзғатишини таъкидлаб ўтди.

“Япония шаҳарларидаги портлашлар инсон фан ва техника ютуқларидан нотўғри йўлда фойдаланганда унинг кўлами йўқ барбод қилувчи қудратининг рамзи бўлиб қолди ва абадулабад урушдан юз ўгириш учун ядровий қурол ва оммавий қирғин қуролларини тақиқлаш кераклигини инсониятга эслатиб турувчи абадий огоҳлантириш бўлди”, деб айтди Рим папаси.

Франциск дунёда биродарлик ва халқарнинг тинчлик-тотувликда яшаши одобини кенгайтиришга чақирди ва урушни енгишнинг ягона йўли бу уни умуман олиб бормаслик эканлигини қўшимча қилиб ўтди.