Одесса вилояти ҳокими Михеил Саакашвили Хитойдан Россия орқали янги “Ипак йўли”дан Европага ўтадиган юклар оқимини Украинага йўналтириб юборишга ваъда берди. Бу ҳақда Грузиянинг собиқ президенти “5 канал” эфирида баёнот берди.
Саакашвилининг фикрича, “Ипак йўли” Украинанинг Ильичевск порти орқали ўтиши керак.
“Россия орқали логистика 30 кун вақт олади, Ильичевск орқали эса бунга 9 кун сарфланади. Ҳамма нарса қуриб бўлинган. Катта юк оқимларини қабул қилишга тайёр”, – таъкидлади у.
Лойиҳани амалга ошириш учун Днестровский лимандан ўтадиган кўприк қуриш талаб қилинади. Ушбу кўприк туфайли, Саакашвилининг фикрича, “ҳеч ким ҳеч қачон Бессарабияни Украинадан ажрата олмайди”.