Африка Чемпионлар Лигаси доирасида Туниснинг “Мағриб Тетуан” ва Суданнинг “Ал-Ҳилол” жамоалари ўртасидаги учрашувда тунислик футболчи жароҳат олди.

Ёрдамга етиб келган шифокорлар шошиб ҳаракат қилишлари оқибатида ўз ҳаракатларини мувофиқлаштира олмадилар. Футболчи носилкага ўтирганда олдиндаги шифокор уни бир ўзи кўтариб юбориши оқибатида футболчи тўнтарилиб кетишига бир бахя қолди.

Футболчи охир-оқибат кўтарилгандан кейин у мувозанатни сақлаш мақсадида ҳакамнинг қўлини ушлаб турганда шифокорлар олдинга қараб чопиб кетдилар. Натижада ҳакамнинг қўлини ушлаб турган футболчи носилкадан ерга тушиб кетди. Буни кўрган футболчининг жамоадошлари аччиқланиб, шифокорларга эътирозларини билдира бошладилар ва охир-оқибат жароҳат олган жамоадошини ўзлари майдон ташқарисига олиб чиқиб кетдилар.