АҚШ ҳозирги "Донецк халқ республикаси" ва "Луганск халқ республикаси" ҳудудларини 1959 йилдаёқ Украинадан мустақил деб тан олгани маълум бўлди. Ўша йили АҚШ Сенати ва конгресси Бўйсундирилган миллатлар ҳафталиги резолюциясини қабул қилган. Бу ҳақда Global Research нашри маълум қилмоқда

Нашрнинг таъкидлашича, 1959 йил 17 июлдаги 86-90-рақамли оммавий қонун сифатида маълум бўлган ушбу резолюция охирги 56 йил ичида ҳар йили тан олиниб келинмоқда. Унинг матнида “Коммунистик Россиянинг империалистик сиёсати бевосита ёки билвосита Польша, Венгрия, Литва, Украина, Чехословакия, … Казакиянинг миллий мустақиллигининг бўйсундирилишига олиб келди” деб айтилган.

Унда Донбасс ҳудуди, яъни ҳозирги "ДХР" ва "ЛХР" ҳамда Украинанинг Запарожье вилоятини ўз ичига олган “Казакия” ҳақида сўз юритилган.

Ҳужжатда Украина ва Казакия “коммунистик Россия сиёсатига бўйсундирилган” алоҳида давлатлар ва халқлар сифатида эътироф этилган.

“Резолюцияга кўра, иккила миллат ҳам алоҳида мавжуд бўлиш ҳуқуқига эга”, деб ёзмоқда Global Research нашри.

Нашрнинг таъкидлашича, ҳужжат жорий йилда ҳам анъанага кўра тан олинди ва бундан АҚШ Донбассни аллақачон Киев ҳукуматидан озод деб эътироф этгани ҳақидаги хулоса келиб чиқади.