Ўзбекистон Халқ таълими вазирлиги томонидан Республика болалар кутубхонасида мактаб ўқув қуроллари, дарсликлар, кийим-кечаклар, пойабзаллар кўргазмаси очилди. Бу ҳақда УзА нашри хабар берган.

Янги ўқув йили арафасида мамлакатимизда ота-оналарга қулайлик яратиш мақсадида 10 августдан 10 сентябрга қадар фаолият кўрсатадиган 1876 мактаб ярмаркаси ташкил этилди.

Хабар қилинишича, йирик савдо мажмуалари, бозорлар, 970 умумтаълим мактабида ярмаркалар ўтказилмоқда. Тоғли ва чўл ҳудудларида юзга яқин автодўкон хизмат кўрсатмоқда. Уларда 26 турдаги ўқув қуроллари ва жиҳозлари сотуви ташкил этилди.

Бундан олдинроқ, Тошкентдаги бозорларда мактаб ярмаркалари ташкил этилгани ҳақида маълум қилинган эди.