Австралия ҳукумати 27та совун қадоқлари ичида 4,5 кг кокаин моддасини олиб ўтмоқчи бўлган 91 ёшли фуқарога жазо чораси белгилайди, деб ёзмоқда The Daily Mail нашри.

Кекса чол Ҳиндистон пойтахти Нью-Дели шаҳридан Сиднейга учиб келганида аэропортда қўлга олинган. Суд 11 август куни бўлиб ўтади. Фуқарога гиёҳванд моддалар партиясини ташигани учун бутун умрлик қамоқ жазоси белгиланиши кутилмоқда.

Мансабдор шахслар турли номаълум шахслар томонидан ҳар хил турдаги юкларни олиб ўтишни сўраб қилган мурожаатларга эътиборлироқ бўлишни сўрамоқда, деб ёзади манба.

Ҳозирча кекса фуқаронинг фирибгарлар томонидан чув туширилгани ёки ўзи билган ҳолда шу моддаларни олиб ўтишга урингани борасида аниқ маълумотлар йўқ.