Жаҳон банки газ сотиб олиш ва у билан ер ости газ омборларини тўлдириш учун Украинага 500 млн доллар ажратишни режалаштирмоқда Бу ҳақда Украина энергетика вазири Владимир Демчишин маълум қилди.  

“Газ сотиш олиш учун 500 млн доллар бермоқчи бўлаётган Жаҳон банки ва 200-250 млн доллар ажратишга тайёр бўлган Халқаро молиявий корпорация билан фаол музокаралар олиб борилмоқда”, деб айтди Демчишин.  

Демчишиннинг айтишича, Европа реконструкция ва тараққиёт банки билан ҳам муайян келишувларга эришилган. Тахмин қилинишича, банк сентябрь ойида Украинага 300 млн доллар ажратмоқчи. Ушбу қийматдан бир қисми газ сотиб олишга сарфланади.

Аввалроқ Украина ер ости газ омборларини тўлдириш учун газ ҳажмини кунига 54,5 млн куб метргача оширгани маълум қилинган эди.