Жиззахда ота ўғлининг 16 млн сўм пулини фирибгарлик билан ўзлаштириб олди. Бу ҳақда “Ҳуқуқ” газетаси хабар бермоқда.
Жиззахлик Улуғбек Асатов муқаддам судланган ва оиласи билан ажрашиб кетган. Унинг икки фарзанди отаси билан борди-келди қилмас эди.
Асатов ўғлининг Ж. Жумабоевга тегишли 12 сотих ерни 16 млн сўмга сотиб олганини, энди иморат кўтариш учун пул тўплаётганини эшитди. У Жумабоевнинг олдига бориб, ўғлининг ердан воз кечганини, отасини даволатиш учун пул керак бўлиб қолганини баҳона қилиб, ундан 16 млн сўм пулни олиб кетди.
Орадан бир неча кун ўтиб, Асатовнинг иши фош бўлди. Ўғлининг аризасига кўра у жавобгарликка тортилди ва пулларни қайтариб беришга мажбур бўлди.