Россия Ташқи ишлар вазири Сергей Лавров Россия ва Саудия Арабистони "ИШИД"га қарши курашишда умумий қарашга эгалиги ҳақида айтди. Бу ҳақда РИА Новости нашри хабар берган.

"Бизда "ИШИД" ва бошқа террористик ташкилотларга қарши курашда умумий ёндошувлар мавжуд. Террорчилар Россияга ҳам, Саудия Арабистонига ҳам бирдек таҳдид қилиб турибди. Террористлар минтақадаги бошқа давлатлар учун ҳам хавф солмоқда", деди Лавров Саудия Арабистони Ташқи ишлари вазири Одил ал-Жубайр билан учрашув чоғида.

Лавров ўз сўзларида Владимир Путиннинг "ИШИД"га қарши халқаро коалиция тузиш бўйича ғояси ҳақида ҳам эслатиб ўтган ва бу ғояни амалга ошириш фурсати етганини айтган.