Лос-Анжелес 2024 йилдаги Олимпия ўйинларини ўтказиш учун номзод шаҳри сифатида тасдиқланишига яқин турибди, деб хабар бермоқда АР ахборот агентлиги. 27 июлда Бостон шаҳри аҳоли томонидан шаҳарда ушбу спорт тадбирини ўтказиш ғояси паст даражада қўллаб-қувватлангани учун 2024 йилдаги Олимпиадани ўтказиш аризасини қайтариб олди.

Қайд этилишича, Лос-Анжелесдаги Олимпия ўйинларининг режалаштирилаётган бюджети 4 млрд долларни (яна 400 млн доллар режадан ташқари ишлар учун) ташкил қилади. Бу қийматдаги маблағни шаҳарнинг Олимпия қўмитаси ажратади.  

Маълумот учун, Лос-Анжелес 1932 йилда II ва 1984 йилда XXIII Ёзги Олимпия ўйинларини қабул қилган.