Россияликлар ва грецияликлар Европа ҳудудидаги давлатлар ичида энг кам самара берадиган ишчилар деб топилди. Бу ҳақда Bloomberg нашри Иқтисодий тараққиёт ва ҳамкорлик ташкилоти берган статистик маълумотларга таяниб хабар тарқатди.

Ташкилот берган маълумотда ёзилишича, руслар бир йил давомида ўртача 1982 соат вақтини ишга сарфлашса, греклар йил давомида 2034 соат иш билан банд бўлишади. Аммо бу иқтисодий ўсиш суръатларига сезиларли таъсир кўрсата олмайди, деб ёзади агентлик.

Россия ЯИМ ўсиши бўйича ҳар соатлик иши ўртача 25,9 долларни ташкил қилса, Грецияда бу кўрсаткич 36,2 долларга ўсишга эришган. Таққослаш учун Европа Иттифоқи давлатларининг бу борадаги ўртача кўрсаткичи соатига 50 долларни ташкил қилади.