Ўзбекистон алоқа оператори Beeline амалдаги Informer хизматига кирган сайтлар рўйхати кенгайгани ҳақида хабар берди. Энди мазкур хизмат доирасида www.kun.uz сайти ва унинг m.kun.uz мобил версиясидан бепул фойдаланиш имкони пайдо бўлди.

Воқеани шарҳлар экан, Unitel‘нинг матбуот-котиби Эльвира Сеттарова шундай деди: “Informer хизмати ёрдамида ўқиш ва бизнес учун керак бўлган барча ресурсларга Beeline абонентлари эга бўладилар. Шунинг учун биз Informer хизматига энг оммабоп сайтларни қўшган ҳолда уни доимий равишда янгилаб борамиз”.

Бугунги кунда хизмат ёрдамида қуйидаги сайт ва қидирув тизимларидан фойдаланиш мумкин: www.kun.uz, m.kun.uz, www.uzdaily.uz, pgd.uz, google.uz, translate.google.co.uz, почта mail.ru, wapedia.org, m.gazeta.uz.

Informer хизматини *110*80# USSD-коди орқали бепул ёқтириш мумкин.