Apple компанияси техникасига бағишланган EverythingApplePro блоги яратувчилари 2002 йилда ишлаб чиқарилган Porsche 911 автомобили тормоз колодкаларини 8та “айфон” билан алмаштирдилар. Машина икки марта тўғри йўлда катта тезликкача олиб чиқилди, бунда максимал тезлик соатига 97 километрни ташкил қилди ва икки марта ҳам тормоз берилганда айфонлар ёниб кетди. Бу ҳолатни суратга олган ролик муаллифлари оловни олов ўчиргич билан ўчиришди.

Синов учун 4та iPhone 4S ва 4та iPhone 5 смартфонлари олинди. iPhone 4S смартфонлари орқа тормоз диски суппортларига ўрнатилди, iPhone 5’лар эса олдингиларига ўрнатилди. Телефонлар шартли старт чизиғига келгунгача машина тезлангунга қадар тормоз дискларини тирнай бошлади.

Биринчи тормоз беришда телефонлардан ясалган “колодкалар” ёниб кетди. Синовдан кейин телефонлар суппортлардан олинди. Телефонлардан бири ён томондаги тугма билан овозсиз режим ёқилганда тебрана (вибрация) олди.