Эстония суди Украинага Донбассда туриб жанг қилган, Украина фуқароси бўлган жангарилардан бирини қайтаришга қарор қилди. Бу ҳақда Eesti Paevaleht нашри хабар тарқатди.

Манбанинг ёзишича, бундай ҳолат Эстонияда биринчи марта кузатилмоқда. Олдинроқ, Эстония полицияси Владимир (фамилияси номаълум) исмли фуқарони қўлга олганди. У текширилганда унинг ёнидан ўқотар қуроллар ва жанг қилиш учун зарур аёшлар топилган. Владимир икки маротаба Луганскда бўлган ва икки сафар ҳам жангарилар сафида жанг қилганди. Бир муддат муқаддам у кўчада юзага келган можаро натижасида қотилликка қўл урган, лекин жазодан қутулиб қолиш мақсадида Эстонияга қочиб кетганди.