Россия қишлоқ хўжалиги назорат идораси санкция рўйхатига киритилган маҳсулотларнинг сохталарини ҳам уларнинг тарқалишига хизмат қилаётган ишлаб чиқарувчилар ва савдо тармоқлари ҳисобидан йўқ қилишни таклиф этмоқда. Бу ҳақда идора раҳбари Сергей Данкверт маълум қилди, дейди РИА Новости.

Унинг қайд этишига кўра, идоранинг биринчи навбатдаги вазифаси сохталаштирилган маҳсулотларни йўқ қилиш ва ҳужжатларни сохталаштириш устидан назорат ўрнатишдан иборат.

“Кўпчилик ҳамкасбларимиз жаримага тортиш лозимлигини айтишади. Жарима – иккиламчи аҳамиятга эга. Биринчи бўлиб бундай сохта маҳсулотларни уларни ишлаб чиқараётганлар ҳисобидан йўқ қилиш керак. Агарда дўконларда аниқланса, демак савдо нуқтаси ҳисобидан”, дейди Данкверт.