Samsung компанияси Gear A “ақлли” соатларининг Project Orbis дастури асосида тайёрланаётган бир нечта модификациясини тақдим этади.
Айтилишича, соат айлана циферблатга ҳамда айланадиган навигация ҳошиясига эга бўлади. Ушбу конструкция учун патент ўтган йилнинг кузида олинган эди.
Соат 360 × 360 пиксель ечимга эга Super AMOLED дисплейига, 768 Мб оператив хотира ва 4 Гб сиғимли флеш-модулга эга бўлади.
Янги ишланманинг аппарат асосини 1.2 ГГц частотали Exynos 3472 процессор ва 400 МГц частотали Mali-400 MP4 график тизими ташкил қилади. Соатни қувват билан 250 мА/соатли батарея таъминлаб беради.
Шунингдек, ускуна NFC технологиясини, Bluetooth v4.1 ва Wi-Fi b/g/n симсиз алоқа модулларини қўллаб-қувватлайди.
Samsung Gear A’нинг учта модели тайёрланмоқда, улар SM-R720, SM-R730 ва SM-R732, компаниянинг ички ҳужжатларида эса Orbis S1, Orbis S2 ва Orbis Classic номлари билан аталмоқда. Охирги моделда уяли алоқа ҳам бўлиши айтилмоқда.