“Рио-2016”: XXXI ёзги Олимпия ўйинларининг ташкилий қўмитаси мусобақалар жадвалини тасдиқлади

Спорт 13 Август 2015 1014

Бразилиянинг Рио-де-Жанейро шаҳрида 2016 йили ўтказиладиган XXXI ёзги Олимпия ўйинларининг ташкилий қўмитаси мусобақалар жадвалини тасдиқлади.

Унга кўра сузиш мусобақаларининг ҳал қилувчи финал баҳслари маҳаллий вақт билан соат 22:00да бошланади ва ярим тунда якунига етади. Бунга мазкур Олимпиада ўйини трансляциясини намойиш этиш хуқуқига эга бўлган Америка телевиденияси манфаатларидан келиб чиқиб қарор қилинди.

Аввалроқ бу ғоя Буюк Британия, Австралия, Венгрия, Германия каби спортнинг ушбу тури кенг тараққий этган давлатлар, шунингдек, Халқаро олимпия қўмитасининг бир неча аъзоларининг норозилигига сабаб бўлган эди. Улар финал босқчида иштирок этган спортчилар тақдирлаш маросими, допинг-назорат, тикланиш жараёни, матбуот анжумани ҳамда овқатланишдан сўнг Олимпия шаҳарчасига соат 03:00 атрофида келишларини, бу эса ўз навбатида улар истиқомат қилаётган жойда яшаётган бошқа спорт тури вакилларига ноқулайликлар келтириб чиқаришини таъкидлашган.

“Биз бу масалада ташкилий қўмита аъзоларининг фикрларини ўзгартиришга бир неча бор ҳаракат қилдик. Аммо мусобақалар Халқаро олимпия қўмитаси шафелигида ўтказилаётганлигини ҳам ёддан чиқармаслик ва уларнинг қарорини хурмат қилишимиз керак. Телетрансляциялар масаласи чиндан ҳам жуда муҳим”, – дейди Халқаро сузиш федерацияси (FINA)нинг ижрочи директори Корнел Маркулеску.

Мусобақаларнинг жуда кеч бошланиши Европанинг бир қатор телевиденияларида ҳам норозиликларга сабаб бўлди. Ўртадаги тўрт соатлик вақт тафовути натижасида сузиш бўйича мусобақаларнинг ҳал қилувчи финал баҳслари тунги соат 02:00да бошланиб, тонгга яқин тамом бўлади. Бу эса телеаудиториянинг кескин даражада камайиб кетишига олиб келиши мумкин.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 46495 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7288 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18579 Ўзбекистон
Тошкент вилояти прокуратураси расмий сайти ишга туширилди
Президент Бекободга Олмалиқ билан мусобақалашишни таклиф қилди
Махсус сиртқи бўлимда ўқиш учун қабул қандай кечади?
“Ўзбекистон ҳаво йўллари” Boeing 767 Full-flight симуляторини ишга туширди
Тожикистон 2020 йилда электр энергияси экспортидан 120 миллион доллар фойда қилмоқчи
Инсон ҳуқуқлари бўйича вакил сайёр қабулларни амалга ошириши режалаштирилмоқда
Ўзбекистонда 2017 йилда қишлоқ жойларда уй-жойлар қурилишига 2,12 трлн сўм йўналтирилади
Кўпроқ янгиликлар