2015 йилнинг биринчи ярмида Россияда Coca-Cola компаниясининг маҳсулотлари савдоси натурал кўринишда 1-3 фоизга тушиб кетди, деб айтилмоқда Coca-Cola’нинг Россия ва бир қатор бошқа давлатлардаги эксклюзив вакили ҳисобланган Coca-Cola Hellenic Bottling Company (HBC)’нинг ҳисоботида.

2015 йилнинг биринчи ярмида Coca-Cola бренди остидаги ичимликларнинг савдоси 0,7 фоизга тушиб кетди. Пасайиш бозордаги беқарор вазият ортида содир бўлди, дейилмоқда ҳисоботда. Компания стратегик қарорлар, хусусан май ойида янги маҳсулот – Coca-Cola Zero’ни истеъмолга чиқаргани ва турли реклама тадбирлари туфайли бундан кўпроқ пасайишга йўл қўймади.

Coca-Cola’нинг бозорнинг шарбатлар сегментидаги савдоси сезиларли ўсишни намоён қилди, бу ўсиш умумий ҳисобда 18,5 фоизни ташкил қилди. Ўсишга асосан компания таркибида бир йилдан бери бўлган “Моя семья” бренди сабаб бўлди. Бу бренднинг савдоси ҳисобга олинмаганда, компаниянинг шарбатлар сегментидаги ўсиши 9,8 фоизни ташкил қилди.

Компанияда таъкидланишича, шарбатлар сегментидаги юқори кўрсаткичлар газланган ичимликлар савдосидаги пасайишни қоплай олмаган.

2014 йилда Coca-Cola HBC’нинг савдоси 1 фоизга ўсган эди.

2015 йилнинг дастлабки 6 ойида умумий тушум 1 фоизга, яъни 3,15 млдр еврогача тушиб кетди.