“Уральские авиалинии” авиакомпаниясининг У6 609 рейсини амалга ошираётган самолётининг парвози кечикиши натижасида Челябинскнинг “Баландино” аэропортида кўп миқдорда йўловчилар тўпланиб қолди. Бу ҳақда аэропорт матбуот котиби Елена Ляхованинг сўзларига таянган ҳолда Интерфакс агентлиги хабар бермоқда.

“Йўловчилар маҳаллий вақт билан соат 6:40да учиб кетиши керак эди. Охирги маълумотларга қараганда, рейс соат 12:00га кўчирилди. Самолёт Москвадан учиб келиб, йўловчиларни пойтахтга олиб кетиши керак эди, аммо у ҳалигача “Баландино”га етиб келмади”, – унинг сўзларини келтиради агентлик.
Рейсга 152 киши чипта сотиб олган, шулардан 140 нафари рўйхатдан ўтган. Улар ҳалигача кутиш залида қолмоқда. Аэропорт уларни сув билан таъминлаб турибди.