Шахсий компьютерлар ишлаб чиқарувчи Хитойнинг йирик Lenovo компанияси ходимларининг 5 фоизи ёки 3,2 минг нафарини бўшатиб юбормоқчи. Бу ҳақда компания ҳисоботида айтиб ўтилган. Ишлаб чиқариш билан машғул бўлмаган ходимларни бўшатиш орқали йилига 1,35 млрд долларни тежаб қолмоқчи.

Айни пайтда компанияда фаолият кўрсатаётган ходимлар сони 60 минг нафарни ташкил этади.

Бу каби чораларни кўришга компаниянинг биринчи молиявий чорак (апрель-июнь)даги соф фойдаси 50,9 фоиз ёки 105 миллион долларга тушиб кетгани сабаб бўлмоқда. Бу давр ичидаги компания даромади эса 3 фоизга ортиб, 10,7 млрд долларга етган.

Яқин вақт ичида Lenovo амалга оширган йирик миқдордаги харидлар қуйидагилардан иборат: Googleдан мобил телефонлари ишлаб чиқарувчи Motorola Mobility компанияси учун 2,91 млрд ҳамда International Business Machinesдан бизнес серверларни ишлаб чиқриш учун 2,1 млрд доллар.