Россияда АҚШ ва ЕИ фуқаролари учун визаларни бекор қилиш таклиф қилинмоқда
Россия президенти Владимир Путинга виза тартибини либераллаштириш бўйича тавсиялар киритилади. Gazeta.ru сайтининг ёзишича, тавсиялар кейинги ҳафта Қримда ўтказиладиган Давлат кенгаши президиумида эълон қилинади.
Ишлаб чиқилган тавсияларда 20 давлат, шу жумладан, АҚШ, Австралия, Европа давлатлари фуқаролари бўлган туристларга мамлакат ичида визасиз 72 соат бўлиш ҳуқуқини бериш кўзда тутилган. Айни пайтда бундай тартиб Россияга сув йўли билан кирган чет эллик туристларга нисбатан жорий қилинган.
Либераллаштириш ишлари Россия орқали Европа ва Осиё фуқароларини назарда тутади. Визасиз мамлакатда бўлишнинг муҳим шарти сифатида туристда авиачипта тиббий суғурта бўлиши кўрсатилмоқда. Имтиёзлар 12 аэропортдан келган хорижликларга тақдим этилади. Булар Москванинг учта аэропорти, шунингдек, Петербург, Екатеринбург, Сочи, Самара, Калининград, Владивосток, Қозон, Хабаровск ва Новосибирск аэропортларидир.
Бундай чора-тадбирларга ТИВ қарши чиқмоқда. Идоранинг таъкидлашича, визасиз тартиб фақат икки томонлама жорий қилиниши керак. Яъни бошқа давлатлар ҳам Россия фуқаролари учун виза тартибини енгиллаштириши шарт. Шу боис Давлат кенгаши фақат ШҲТ, БРИКС ва ЕИИ давлатларига бундай имтиёзларни бериши кутилмоқда.