Толимаржон иссиқлик энергия станциясининг қуввати йилига 20.4 млрд кВт/соатга оширилади. Бу ҳақда “Правда Востока” газетаси ёзмоқда.

Халқаро тендер савдолари натижаларига кўра ИЭС Hyundai Engineering and Construction and Daewoo International Consortium компаниялар консорциуми билан шартнома имзолади. Структурани модернизация қилиш ва янги объектлар қурилишига 861 млн доллар ажратилади. Лойиҳа Осиё тараққиёт банки, Япония халқаро ҳамкорлик агентлиги (JICA), Ўзбекистон реконструкция ва ривожланиш жамғармаси томонидан молиялаштирилади.
Июль ойига қадар инвестицияларнинг 55 фоизи ўзлаштириб бўлинди.

“Лойиҳа реализацияси электр энергияси ишлаб чиқаришни соатига 900 мВт га кўпайтиришга имкон беради. Йил давомида бу кўрсаткич 7.2 млрд кВт/соатдан ошиб кетади”, – деди ИЭС бош муҳандиси Абдубаҳром Худойқулов.
Бундан ташқари, тўртта янги буғ-газ қурилмаси қурилмоқда. Улар станциянинг энергия ишлаб чиқариш салоҳиятини йилига 20.4 млрд кВт/соатга ошириши кутилмоқда.