Ўзбекистон ва Хитой ўртасидаги маданий алоқаларни ривожлантириш, шунингдек, ҳамкорлик бўйича Ўзбекистон-Хитой ҳукуматлараро комиссиясининг маданий-гуманитар масалалар бўйича кичик қўмитаси баёни ижросини таъминлаш мақсадида, «Ўзбеккино» Миллий агентлиги ташаббуси билан 7-9 сентябрь кунлари Ўзбекистонда Хитой киноси кунлари ташкил этилади.

Хитой киноси кунлари давомида «Самимий севги» (Genuine Love) картинаси режиссёри Шерзод Ёқуб ҳамда фильмда бош роллардан бирини ижро этган актриса Қундуз Зайтаянинг иштирок этиши кутилмоқда. Фильм ўзбек тилидаги субтитрлар билан бирга намойиш этилади.

Бундан ташқари, кино кунлари доирасида режиссёр Цао Баопиннинг «Эйнштейн ва Эйнштейн» (Einstein & Einstein), Вэй Шининг «Паром» (The Ferry), Чеанг Поу-Сойнинг «Маймунлар қироли» (The Monkey King), Вонг Кар-Вайнинг «Буюк уста» (The Grandmaster), Чэн Ганнинг «Чет эллик энага» (When Peking Family Meets a foreign Aupair), Ван Жингуаннинг «Ҳеч қачон ортга қарама» (Never Look Back) фильмлари – жами етти картина ўзбекистонлик томошабинлар эътиборига ҳавола этилади.

Хитой киноси кунлари доирасидаги барча намойишлар Тошкент шаҳридаги Алишер Навоий номидаги киносаройда бўлиб ўтиши режалаштирилган.

Хитой киноси кунлари доирасидаги фильмлар намойиши жадвали

7 сентябрь, душанба
19:00. «Самимий севги» (Genuine Love)

8 сентябрь, сешанба
17:00. «Или дарёси» (Never Look Back)
19:00. «Маймунлар қироли» (The Monkey King)

9 сентябрь, чоршанба
17:00. «Паром» (The Ferry)
19:00. «Чет эллик энага» (When Peking Family Meets a foreign Aupair)

10 сентябрь, пайшанба
19:00. «Буюк уста» (The Grandmaster)