Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш Жамоат фонди томонидан эълон қилинган грант танловида “Наманган ёшлар маркази” иштирок этиб, “Кексалар ўгити—ёшлар тарбиясининг мустаҳкам  асосидир” номли учинчи бор Давлат грант  танлови ғолиби бўлди. Лойиҳа қиймати 14 млн 300 минг сўм миқдорида бўлди. Лойиҳа Ўзбекистон Республикаси Президентининг 2015 йил 18 февралдаги ПҚ-2302-сонли “Кексаларни эъзозлаш йили” Давлат дастури ҳамда “Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисидаги” қарорлари ижросини таъминлаш мақсадини кўзлаган.

Шу билан биргаликда, лойиҳа доирасида ўзининг ҳалол меҳнати билан ҳурмат эътибор қозонган кексаларимиз истиқомат қилаётган маҳаллаларда уларнинг ҳаёт йўлларида кечирганларини ёшларга ибрат ва намуна қилиб кўрсатиш мақсадида интерфаол семинар-тренинглар, давра суҳбатлари, учрашув ҳамда мулоқотлар, уюшмаган ёшларнинг ижтимоий фаоллигини ошириш, кексаларга ҳурмат руҳида тарбиялаш, улар орасидаги иқтидорли ёшларни излаб топиш орқали ёшларни келажакда жамиятда ўз ўринларини топишларига кўмашиш мақсадида жойларда кўнгилочар маданий дастурлар, ёлғиз кексалар ҳолидан хабар олиш ҳамда уй юмушларига кўмаклашиш мақсадида ёшлардан иборат тарғибот гуруҳлари шакллантириш, ибратли кексалар иштирокида ток шоу тасвирга олиш режалаштирилган.   

Лойиҳа давомида амалга ошириладиган барча тадбирларда фойдаланиш учун мавзуга оид видеороликлар, слайдлар, тарқатма материаллари, буклетлар ҳамда ўқув қўлланмалари тайёрланади.