The Independent нашри Марио Балотеллининг "Ливерпуль"даги муаммолари бўйича янги маълумотларни тақдим этди.

Нашрда ёзилишича, италиялик ҳужумчи шу йилнинг март ойида ўтказилган машғулотлар вақтидаги қилиқлари туфайли жамоа ишончини йўқотган.

Маълум бўлишича, машғулотларнинг бирида мураббий Колин Паско ўйинчиларни ўртага йиққан. Шунда Балотелли Пасконинг сўзини бўлиб, бутун мавсумни жароҳатда ўтказган, 20-30 ярд масофада оқсоқланиб келаётган Жон Фланаганга қичқирган. Бунинг учун у муддатидан олдин кийиниш хонасига юборилган.

Ўша куни Балотелли машғулотдаги 10 га 10 ўйинда майдон марказидан ўз томонидаги Бред Жонс қўриқлаётган дарвозага гол уриб, шериклари ва мураббийларини ҳайрон қолдирган.

Шундан сўнг 25 ёшли ҳужумчи жамоанинг "Арсенал"га қарши учрашувига бормаган ва фақат бир ойдан сўнггина заявкага қайтган.

Маълумот учун, Балотелли ўтган мавсумда "Ливерпуль" сафида 16та ўйинда майдонга тушиб, битта гол ва битта голли пас муаллифига айланди. У кўпинча захирадан ўйинларга қўшилгани учун ўртача ўйин вақти 59 дақиқани ташкил этади.