Ироқнинг Анбар вилоятидаги Ал-Фалужа шаҳридаги шифохона бомбардимон қилиниши оқибатида 25 нафар аёл ва болалар ҳалок бўлди, деб хабар бермоқда Sky News Arabia телеканали.
Тиббий ходимлардан бирининг айтишича, Ироқ ҳарбий-ҳаво кучлари томонидан шифохонага учта бомба ташланган.

Шифохона ҳудудида бўлган яна 30 нафар киши, жумладан тиббий ходимлар турли жароҳатлар олдилар. Шифохона биноси вайроналари остида одамлар қолиб кетгани сабабли қурбонлар сони ошиши мумкинлиги айтилмоқда. Қутқарувчилар ва шифокорлар воқеа жойидаги вайроналарни тозалашмоқда.