Канаданинг WestJet Airlines авиаташувчиси борт кузатувчисининг хавфсизлик техникаси бўйича берган ғаройиб кўрсатмалари қайд қилинган видеолавҳа интернетда шуҳрат қозонди. The Daily Mail’нинг ёзишича, исми келтирилмаган стюарднинг касбига ноодатий ёндашуви барчани ҳайратга солган.

Канададаги ветеринария клиникаларидан бирининг Facebook’даги саҳифасида эълон қилинган видеолавҳада унинг қутқарув воситалари билан кулгули хатти-ҳаракатларни амалга ошираётганини кўриш мумкин. Масалан, ҳаво ниқобининг ишлаш принципларини кўрсатаётган чоғда стюард уни тескари ушлаб, қуш тумшуғига ўхшатади. Инструктаж ниҳоясида у йўловчиларга тавозе билан эгилади ва олқишларга сазовор бўлади.
10 кун ичида Facebook’даги видео 30 минг лайк олди ва 100 минг марта репост қилинди. Ролик 4 млн марта томоша қилинди.

Шу йилнинг мартида шунга ўхшаган видеолавҳа интернетга жойлаштирилган эди. Унда стюардесса Uptown Funk мусиқаси остида йўловчиларга рақс тушиб берган эди. Бугунги кунга қадар ушбу видео 8.5 млн марта кўрилди.