Мальдив оролларига у ердан топилган предметларни ўрганиш учун юборилган бир гуруҳ малайзиялик экспертлар ушбу топилмаларнинг Malaysia Airlines компаниясининг ўтган йили ғойиб бўлган Boeing самолётига алоқадор эмаслиги ҳақида хулоса чиқаришди. Бу ҳақда Малайзия транспор вазири Лиоу Тионг Лай маълум қилди.

“Уларнинг МН370 рейсига алоқаси йўқ, бу ҳатто авиацион материал ҳам эмас”, – унинг сўзларини келтиради маҳаллий The Star нашри.
Илгарироқ Малайзия расмийлари ва Австралия қидирувчилар мувофиқлаштириш маркази 29 июль куни Ҳинд океанидаги Реюньон оролидан топилган қанот бўлагининг айнан қидирилаётган ҳаво кемасига тегишли эканлигини тасдиқлашган эди.
Boeing-777 2014 йилнинг 8 мартида Куала-Лумпурдан Пекинга кетаётганида кутилмаганда радарлардан ғойиб бўлди. Унинг бортида 239 киши бор эди.